Løyve til Westcon Yard AS

Fylkesmannen har etter søknad gitt løyve til Westcon Yard AS til arbeid i sjø ved verksemda sitt kaianlegg. Arbeidet omfattar sprenging av fjell ved kaifront og deponering av utsprengte massar på sjøbotnen. Volumet av utsprengte massar er om lag 2 300 m³. Utdjupingstiltaket er naudsynt for å kunne fortøye boreriggar ved kai.

Botnsedimenta i området er forureina av organiske og uorganiske miljøgifter. Det er derfor i løyvet stilt krav om at sjøbotnen i deponeringsområdet skal dekkjast med fiberduk før deponering for å hindre oppvirvling av forureina botnsediment.

Løyvet og søknaden er lagt ut til offentleg ettersyn i lenkene til høgre.

Vedtaket om løyve kan påklagast til Klima- og forureiningsdirektoratet (Klif) innan tre veker frå kunngjeringstidspunktet. Mogleg, grunngjeven klage skal rettast til Klif og sendast til Fylkesmannen i Rogaland, postboks 59, 4001 Stavanger eller fmropost@fylkesmannen.no.