Gjenvinning betong og asfalt ved T. Holand Maskin AS
- Høyringsfrist:
- 23. mai 2013 15:30
Verksemda T. Holand Maskin AS har søkt om løyve etter forureiningslova til mottak, mellomlagring og gjenvinning av betong, tegl og asfalt i Eigersund kommune.
T. Holand Maskin AS søker om løyve etter forureiningslova §§ 11 og 16 på verksemda sine lokalitetar på gnr.8 brn.440 i Eigersund kommune, med besøksadresse Ytre Torvhusveg 8, 4374 Egersund. Lokaliteten er regulert til industri. Verksemda driv i dag eit masseuttak med mobilt knuseverk på staden etter vilkår fastsett i forureiningsforskrifta kap.30.
Eldre bygningsbetong kan innehelda farlege miljøgifter som til dømes PCB. Verksemder som ønskjer å gjenvinne betong må derfor søkje om særskilt utsleppsløye til dette. I eit utsleppsløyve vil det verte stilt krav om tilstrekkjeleg mottakskontroll til å sikre at avfall som er forureina av miljøgifter ikkje vert nytta til gjenvinning. Det vil og verte sett krav om tiltak som avgrensar utslepp av støy og støv.
Søknadsdokumenta vert lagt ut til offentleg ettersyn i Eigersund kommune på Eigersund Folkebibliotek, Eikunda Amfi 2. etasje og i dokumentlenkene til høgre.
Moglege merknader til søknaden kan sendast Fylkesmannen i Rogaland, postboks 59 sentrum, 4001 eller fmropost@fylkesmannen.no innan 4 veker frå kunngjeringstidspunktet.