Tilskot til sosiale tenester i NAV

Målgruppa for tiltaka er sosialt og økonomisk vanskelegstilte som har behov for sosiale tenester, og andre som står i fare for å kome i ein vanskeleg livssituasjon.

I 2025 er barnefamiliar, ungdom og bustadsosialt arbeid særleg prioriterte område.

Vidare er følgjande område prioriterte:

• Heilskapleg og samordna tenestetilbod tilpassa behovet til brukarane.
• Arbeid med innvandrarar og langtidsmottakarar av sosiale tenester.
• Samarbeid mellom tenester mellom anna under straffegjennomføring og sikring av sårbare overgangar, mellom anna etter gjennomført straff, mellom utdanning og arbeidsliv og mellom ulike tenester som barnevernet og Nav.
• Førebygging og/eller tidleg innsats.

Ordninga gir Nav-kontora inntil 750 000 kroner i lønsmidlar per 100 prosent stilling i prosjektet.

Tilskot blir primært gjeve for eitt år frå oppstartsdato, men det kan givast i inntil 36 månader til same tiltak. Prosjektkostnadar utover dette må kommunane dekkje sjølv.

OBS: Som følgje av at stillingsbeløpet vart justert opp blir det ikkje tildelt kompetansemidlar i 2025.

Utlysingstekst, reglane for tilskotsordninga og søknadsskjema finn du i høgremenyen.

Søknadsfrist er 1. februar 2025.

Nav-kontora i Møre og Romsdal kan sende søknadar elektronisk til Statsforvaltaren på organisasjonsnummer: 974 764 067.

Eventuelt kan ein sende søknadar per e-post til sfmrpost@statsforvalteren.no.