Søk støtte til utarbeiding av kommunal jordvernstrategi
Føremålet med kommunale jordvernstrategiar er auka kunnskap om jordbruksareala og jordvern i planprosessar. Målet er å redusere nedbygging av matjord i kommunane.
Som eit viktig tiltak for auka sjølvforsyning og matberedskap, så har jordvernet vorte særs innskjerpa dei siste åra. Kommunane er planmyndigheit og difor heilt sentrale i arbeidet med jordvern og matsikkerheit. No kan kommunane søke tilskot til arbeid med kommunal jordvernstrategi. I år ligg 1,65 mill. kroner i tilskotspotten. Landbruksdirektoratet står bak utlysinga og vil handsame søknadane.
Søknadsfrist 15 mai
I Møre og Romsdal har kommunane Ørsta, Volda, Vanylven og Giske tidlegare vorte løyvd støtte til utarbeiding av kommunal jordvernstrategi. Sykkylven kommune har allereie vedteke ein jordvernstrategi.
Statsforvaltaren ønskjer at fleire kommunar i Møre og Romsdal vil søkje på midlane.
Søknadsfrist er 15 mai.