Tildeling av prosjektskjønn 2025
Vi fekk 26 søknadar på til saman 35 millionar kroner. For 2025 er det tildelt 8,9 millionar kroner på prosjektskjønn.
For 2025 har følgjande prosjekt fått støtte:
|
Prosjektnr. |
Tittel |
Kommunar med (søkar først) |
Tildeling i kroner |
|
15-24-0009 |
Sammen skaper vi gode tverrfaglig lag for barn og unge - forebygging av utenforskap |
Surnadal, Aure, Averøy, Gjemnes, Kristiansund, Smøla, Sunndal, Tingvoll |
1 561 000 |
|
15-24-0010 |
Interkommunalt kommunikasjonsprosjekt |
Volda, Ulstein, Skjåk |
200 000* |
|
15-24-0033 |
Felles kartsystem og forprosjekt for tjenestesamarbeid for plan, kart og byggesak på Nordmøre |
Kristiansund, Aure, Averøy, Gjemnes, Rindal, Smøla, Sunndal, Surnadal, Tingvoll |
1 500 000 |
|
15-24-0029 |
Utarbeide plan for interkommunalt samarbeid på landbruk |
Gjemnes, Kristiansund |
350 000 |
|
15-24-0015 |
Interkommunalt samarbeid om regnskap i Romsdalskommunene ** |
Molde, Aukra, Hustadvika, Rauma, Vestnes |
800 000 |
|
15-24-0034 |
Interkommunalt samarbeid om lønn ** |
Molde, Aukra, Hustadvika, Kristiansund, Rauma, Vestnes, Ålesund |
|
|
15-24-0042 |
Region Ålesund - Ny modell for interkommunalt samarbeid |
Ålesund, Giske, Haram, Sula |
1 500 000 |
|
15-24-0041 |
Sammen om bærekraftig slambehandling |
Ålesund, Sula |
1 000 000 |
|
15-24-0043 |
Samarbeid Fjord, Sykkylven og Stranda kommunar |
Stranda, Fjord, Sykkylven |
1 000 000 |
|
15-24-0044 |
Interkommunalt samarbeid på ytre søre Sunnmøre |
Sande, Hareid, Vanylven, Ulstein, Herøy
|
950 000 |
|
SUM |
|
|
8 861 000 |
* I tillegg går Statsforvaltaren i Innlandet inn med kr 100 000,-.
**Prosjekta vert sett i samanheng med kvarandre og det vert føresett at prosjekta vert slått saman. Grunnavtalen blei ikkje vedtatt i formannskapet og er sendt tilbake til administrasjonen. Statsforvaltaren forutset vedtak for å innvilge.
Prosjektskjønn
I februar 2024 inviterte Statsforvaltaren i Møre og Romsdal kommunane i fylket til å søke om midlar til ordinært skjønn og prosjektskjønn for 2025. Vi tildeler kvart år skjønnsmidlar til kommunane og har ansvaret for å kome fram til ei god og rettferdig fordeling av midlane.
Statsforvaltaren i Møre og Romsdal har som mål å dele ut så mykje som mogleg av ramma på om lag 50 millionar kroner gjennom statsbudsjettet, slik at skjønnsmidlane til kommunane er kjent før det nye året startar.
Fornying og innovasjon
Ein del av skjønnsmidlane skal gå til fornyings- og innovasjonsprosjekt i kommunane. Prosjektskjønn skal gi kommunane støtte til å prøve ut nye løysingar i si verksemd. Prosjektets mål må vere å styrke kommunen sin rolle som tenesteprodusent, myndigheitsutøvar, lokaldemokratisk arena og/eller samfunnsutviklar, slik at oppgåvene blir løyst på ein betre måte.
For 2025 er målet at prosjektskjønn skal bidra til å møte omstillingsbehovet i kommunane med mellom anna meir strukturerte interkommunale samarbeid. Interkommunalt samarbeid kan bidra til ei meir berekraftig og innovativ oppgåveløysing. Samtidig må arbeidet med å nå berekraftsmåla halde fram. Også det krev mange nye måtar å jobbe på.
Prioriterer nokre område
På bakgrunn av dette inviterte vi kommunane til å søkje om prosjektskjønnsmidlar til å bygge opp meir strukturerte og berekraftig interkommunale samarbeid. Søknadar på områda barnevern, IKT, landbrukskontor, regionale plankontor eller administrative støttefunksjonar (til dømes løns- og rekneskapsavdeling) sa vi ville bli prioritert. Nettverk for klimatilpassing kunne også søke om prosjektskjønnsmidlar.
Interkommunalt samarbeid kan skje på fleire måtar. Kommunelova § 17-1 listar opp fleire former for interkommunalt samarbeid. Det kan skje til dømes gjennom eit kommunalt oppgåvefellesskap, vertskommunesamarbeid, interkommunalt selskap, aksjeselskap eller samvirkeforetak.
Premiss for prosjekta
For å få utbetalt midlar er det ein føresetnad at det ligg ved ein godkjent grunnavtale frå kommunestyra som ønskjer å etablere eit meir strukturert interkommunalt samarbeid. For å sikre at kommunane får tilstrekkeleg med tid til å få på plass ein grunnavtale, er fristen forlenga til 30. juni 2025. Vedtaket må sendast inn til Statsforvaltaren i Møre og Romsdal.
Prosjektskjønnmidlar blir utbetalt gjennom rammeoverføring frå Kommunal- og distriktsdepartementet etter dette.
Våre vurderingar tar utgangspunkt i føringane og kriteria vi sette i vårt invitasjonsbrev av 21. februar 2024.
Prosjekta kan gå over fleire år (maksimalt tre år), men kommunane må søke for kvart år. Kommunar som får midlar, må rekne med å bidra til å dele erfaringar frå prosjekta i ulike fora med andre kommunar. Rapportering av prosjekta må gjerast i same portalen som det vart søkt i (ISORD). Fristen for å rapportere inn på prosjektskjønn for 2025 er 1. februar 2026. Alle tildelingane er gitt med vilkår om å dele erfaringar og resultat med andre kommunar.
Retningslinene for skjønnstildelinga 2025: Utlysing av midlar til prosjektskjønn og ordinære skjønnsmidlar for 2025.