Innbyggjarundersøking veke 48 og 49
Kva for ein kommune bør Liabygda vere del av? Stranda eller Fjord? Alle innbyggarar over 16 år som bur i Liabygda får seie si meining.
Publisert 13.11.2024
Du som bur i Liabygda vil få ein telefon frå Opinion ein gong mellom 25. november og 8. desember. Nummeret dei vil ringe frå er: 488 41 237
Dei vil ringe mellom 16.30 og 21.30 på kvardagar og mellom 13.00 og 18.00 i helger.
Du vil få spørsmålet:
Meiner du at Liabygda skal bli i Stranda kommune slik som i dag, eller bli ein del av Fjord kommune, eller har du ingen meining om dette?
Det blir også mogleg å seie at du ikkje vil gi eit svar.
Vi har forsøkt å finne alle aktuelle telefonnummer. Dersom du ikkje har høyrt frå oss mot slutten av veke 49, må du gjerne ta kontakt.
Takk for at du vil gi ditt svar!