Udir foreslår tiltak for å sikre ei god gjennomføring av eksamen
Den raske utviklinga av kunstig intelligens skaper nye utfordringar for å gjennomføre eksamen i skolen. Udir foreslår fleire konkrete tiltak for våreksamen 2024, og større endringar i eksamensordninga for dei neste åra.
Dette innhaldet er meir enn eitt år gammalt. Informasjonen kan derfor vere utdatert.
Stadig meir avanserte hjelpemiddel, både med og utan Internett, gjer det krevjande å sikre at eksamen er trygg og rettferdig.
Arbeider i lag med skuleeigarane
Utdanningsdirektoratet (Udir) arbeider i lag med fylkeskommunar og kommunar for å finne gode løysingar for å hindre at elevar bruker KI på skriftleg eksamen.
– Dei aller fleste elever prøver ikkje å jukse på eksamen. Vi kan likevel ikkje utelukke at enkelte elever vil prøve å jukse ved hjelp av KI-verktøy. Av omsyn til det store fleirtalet som følgjer reglane, gjer vi konkrete tiltak for å sikre ein så god, trygg og rettferdig eksamen som mogleg, seier Morten Rosenkvist, direktør i Utdanningsdirektoratet i ei pressemelding.
Kjem med anbefalingar
Udir har vurdert risiko og kjem no med anbefalingar for korleis eksamen bør bli gjennomført. Anbefalingane er basert på en risikovurdering i alle fylkeskommunar og kommunar hausten 2023.
Tysdag 13. februar var Utdanningsforbundet, Lektorlaget, Elevorganisasjonen, Skoleleiarforbundet, Skolenes Landsforbund og KS samla i møte hos Utdanningsdirektoratet. Partane diskuterte også korleis ein kan arbeide vidare i lag for ein god gjennomføring av eksamen. Dei fekk også informasjon om vurderingane og anbefalingane Udir har gjort.
Udir foreslår mellom anna:
- Auka vakthald og kontroll
- Færre tillatne hjelpemiddel
- Stengt nett og ordbøker offline
- Tekniske forbetringar
Udir seier også at fleire tiltak er aktuelle for 2025 og framover.
Dette er eit utdrag og sitat frå Utdanningsdirektoraret sin nettside, omsett til nynorsk. Les heile saka: Udir foreslår tiltak for å sikre en god gjennomføring av eksamen | udir.no