Avsluttande karakterar i grunnskulen i Møre og Romsdal 2019

Klage på standpunktkarakterar i grunnskulen 2019

Fylkesmannen i Møre og Romsdal har i 2019 fått inn 40 klager på standpunktkarakterar frå elevar i Møre og Romsdal. Dei 40 klagene fordelte seg på 12 fag.
Det kom klager frå 16 skular, fordelt på 11 kommunar. Omlag 67 % av klagene er på karakterane 3 og 4, medan 22,5 % av klagene er på karakteren 5. Til saman 10 % av klagene var på karakterane IV, 1 og 2. Flest elevar klagar på karakteren i praktisk estetiske fag; Kroppsøving, mat og helse og kunst og handverk.
Fylkesmannen har i 42,5 % av klagene stadfesta vedtaket til skulen, og klagene har ikkje ført fram.

Skriftleg eksamen for grunnskulen i Møre og Romsdal våren 2019

Til eksamen i grunnskulen våren 2019 blei det vurdert og sett karakter på 4124 elevsvar frå Møre og Romsdal.
Resultata for Møre og Romsdal er litt over landsgjennomsnittet i norsk sidemål og likt med landsgjennomsnittet i matematikk. I engelsk og norsk hovudmål er resultata litt under landsgjennomsnittet.
Førebels karakterstatistikk er lagt ut på nettsida til Utdanningsdirektoratet. Sjå lenke i høgre marg.

Klage på karakterar ved skriftleg eksamen for grunnskulen i Møre og Romsdal våren 2019

Etter eksamen våren 2019 kom det inn klager på 35 eksamenskarakterar, 7 i engelsk, 2 i matematikk, 11 i norsk hovudmål, 7 i norsk sidemål og 8 klager frå elevar som hadde fritak frå norsk sidemål.
8 elevar fekk heva karakteren etter klagehandsaminga. Ein kandidat vart sett ned.
Eksamensklagene er behandla av klagenemnder frå andre fylke.