Tilsyn med Stord kommune - grunnskuleopplæring for vaksne

Tilsynet går ut på å kontrollere om Stord kommune følgjer regelverket i opplæringslova med forskrift. For å kontrollere dette undersøker vi kommunen sin praksis ved Stord vaksenopplæringssenter.

Vi kontrollerer følgjande tema:

• Gje rettleiing og vurdere retten til vaksne som ynskjer/søkjer om grunnskuleopplæring, kartleggje opplæringsbehov og gjennomføre realkompetansevurdering.
• Gjere vedtak som oppfyller opplæringsretten og oppfyller krava til enkeltvedtak, samt å sette i gang opplæringa.

Kommunen vil få ein rimeleg frist (inntil tre månader) til å rette opp eventuelle regelverksbrot som måtte gå fram av tilsynsrapporten.