Tidsfristar
For å sikre ei effektiv og føreseieleg planhandsaming er det sett krav til tidsfristar i plan- og bygningslova, m.a. frist for handsaming av private reguleringsforslag.
Dette innholdet er mer enn ett år gammelt. Informasjonen kan derfor være utdatert.
Frist for handsaming av private forslag om regulering
Kommunen skal snarast, og seinast innan tolv veker avgjere om eit privat reguleringsforslag skal fremjast og leggjast ut til offentleg ettersyn m.a., jf. pbl. § 12-11.
For å sikre at eit planforslag stettar krava til kvalitet, er det viktig at kommunen er aktiv med råd og rettleiing før forslaget vert sendt frå forslagsstillar til kommunen. Dette kan t.d. skje gjennom førehandskonferanse med forslagsstillar i samsvar med reglane i pbl. § 12-8, første ledd. Dersom planforslaget ikkje stettar krava kan planforslaget returnerast til forslagsstillar for endring og supplering. Fristen på tolv veker vert rekna frå den dagen kommunen får det oppretta planforslaget. Planforslaget må oppfylle visse minstekrav til framstilling og innhald. Forslaget må også vere kunngjort. Forslagsstillar og kommunen kan avtale ein annan frist.
Frist for kommunestyret si handsaming av reguleringsforslag
Når planforslaget er handsama ferdig skal det leggjast fram for kommunestyret til vedtak. Kommunestyret må fatte vedtak i saka seinast tolv veker etter at planforslaget er ferdighandsama, jf. pbl. § 12-12, første ledd.
Frist for motsegn mot planar
Styresmakter med motsegnskompetanse må fremje motsegn innan høyringsfristen, jf. pbl. § 5-4, fjerde ledd.