Seminar om arealplanlegging og naturmangfald i sjø
10. april 2025 arrangerer Vestland fylkeskommune, i samarbeid med Statsforvaltaren i Vestland, eit seminar om korleis ivareta naturmangfald i sjø som ein del av arealplanlegginga. Seminaret er eit arrangement under One Ocean Week.
Seminaret vert arrangert torsdag 10. april 2025 frå kl. 10:00 til 15:00. Frist for påmelding er tysdag 1. april 2025.
Programmet inneheld faginnlegg frå fleire forvaltingsaktørar som har ansvar for naturmangfaldet i sjø, saman med døme frå kommunar. Vi vonar å få fram breidda i forvaltingsansvaret og -kompetansen, og gje inspirasjon på dette viktige temaet. Program og påmelding finn de på Vestland fylkeskommune sin nettstad.
Målgruppe
Målgruppa er offentlege planleggarar, konsulentar og aktørar kopla til sjømat og fiskeri.
Praktisk informasjon
Seminaret finn stad i auditoriet på Litteraturhuset i Bergen. Arrangementet er gratis, og det er lunsj for dei påmelde. Påmelding er difor bindande. Arrangementet blir strøymt, og det blir gjort opptak som ein kan sjå i ein avgrensa periode. Det er òg mogleg å droppe innom, utan lunsj og påmelding.