Fordeling av klima- og miljømidlar for 2020
Midlane til fylkesvise prosjekt i Vestland frå Klima- og miljøprogrammet er fordelte for 2020. Prosjekt som styrkar kunnskapsgrunnlaget om klimavennleg driftspraksis vart prioriterte.
Dette innholdet er mer enn ett år gammelt. Informasjonen kan derfor være utdatert.
Fylkesmannen forvaltar kvart år ein sum til praktisk retta utgreiings- og informasjonsprosjekt som fører til auka kunnskap om utfordringar og tiltak innan temaa klimagassutslepp, klimatilpassing, vassmiljø og kulturlandskap. Prosjekta skal medverke til god kunnskapsoverføring frå forsking til praktisk jordbruk og oppdatert rådgiving til næringa. Forskings- og utgreiingsinstitusjonar og fag- og næringsorganisasjonar kan søkje om støtte.
I år fekk Fylkesmannen 15 søknadar med eit samla søknadsbeløp på 1,8 mill. kroner. Av desse vart åtte søknadar prioriterte for tilskot. Tilskota ligg i spennet mellom 50 000 og 150 000 kroner, og utgjer til saman 665 000 kroner. Tematisk dekkjer prosjekta som fekk tilskot fagområde som reduksjon av klimagassutslepp, klimatilpassing, gjødselhandtering, drenering, kompost og vassmiljø.
Desse prosjekta har fått støtte:
| Prosjekt | Søkjar |
| Lokal kompost som klimatiltak | SIMAS IKS |
| Klimabonden - grøftefilm | Alver kommune |
| Husdyrgjødselhandtering med miljø-, effektivitets- og kostnadsfokus | Norsk Landbruksrådgiving Vest SA |
| Potensiale i bruk av seksjonskontroll på mineralgjødselspreiar i Vestlandslandbruket | Norsk Landbruksrådgiving Vest SA |
| Vestlandsbonden - grupperådgiving, podkast og klimadrypp | Norsk Landbruksrådgiving Vest SA |
| Nitrogeneffektivitet ved miljøriktig bruk av husdyrgjødsel til eng | NIBIO Fureneset |
| Klimaomstilling i landbrukskommunen Gloppen | Gloppen kommune |
| Klimatilpassing i Steinsdalen - kunnskap om forureining og reduksjon av avrenning frå jordbruket | Kvam herad |
Neste søknadsrunde blir våren 2021. Følg med på våre nettsider for utlysing.