Tilskot til beiting av verdifulle jordbrukslandskap i utmark (gjeld sau på utmarksbeite frå og med 600 moh)

Tiltaket gjeld sau over eitt år som beiter minst 5 veker på utmarksbeite, der hovudbeiteområdet for sauen ligg minst 600 meter over havet. Vidare må føretaket vere medlem i eit beitelag jf § 3b. Dersom kun deler av buskapen har hovudbeiteområdet sitt over 600 moh, kan ein søke tilskot for den delen av buskapen som oppfyller høgdekravet. Namnet for beiteområdet for føretaket bør skrivast i merknadsfeltet i søknaden.

Sauen er den viktigaste landskapspleiaren i utmarka grunna fôrval, beitemønster, utbreiing, omfang og med liten fare for trakk-skadar. Utmarksbeite er den tradisjonelle driftsforma for sau sommarstid i Vestland, men tal sau i utmark går diverre nedover. Sauen si beiting i utmarka er viktig for å oppretthalde ope landskap og opne stiar, og beitinga er positiv for det biologiske mangfaldet. Beiting i utmark er og klimavenleg ved at den produserer mat på areal som elles ikkje kunne vore nytta til matproduksjon, i tillegg til at beiting over tregrensa vil auke albedo-effekten (reflektering av sollyset) og såleis bidra til mindre oppvarming. Dei høgareliggande beita er dei mest verdifulle utmarksbeita med omsyn til beitekvalitet, dyrevelferd og klimavenleg beiting (jf albedo-effekten).

Tilskotsavgrensing:
Det kan gjevast tilskot for inntil 100 sauer per føretak.

Tiltaksklasse, utmålingseining og førebels tilskotssats

• Småfe -  Kr 70 per dyr (sau over eitt år)

(Tilskot for sau på utmarksbeite som ligg 600 moh eller høgare, der føretaket er medlem i eit beitelag)