Spesielle miljøtiltak i landbruk - SMIL
Tilskot til spesielle miljøtiltak i jordbruket (SMIL) skal motivere bønder til å gjere eit ekstra arbeid for å ta vare på verdiane i kulturlandskapet og redusere forureining frå jordbruket.
Du kan søkje om tilskot til miljøtiltak som krev innsats og kostnadar utover det som er forventa i vanleg jordbruksdrift. Du må eige eller leige ein landbrukseigedom der det går føre seg jordbruksproduksjon med tilskotsrett. Dersom du leiger, må du ha godkjenning frå eigaren.
Døme på tiltak i ordninga er utbetring av hydrotekniske anlegg for å redusere forureining, tilrettelegging for opplevingar og friluftsliv, samt sikring av biologisk mangfald, kulturminne og kulturmiljø. Du kan også søkje om midlar til planleggings- og tilretteleggingsprosjekt.
Kommunen er sakshandsamar for søknadane og fastset søknadsfrist og lokale retningslinjer for prioritering av midlane. Statsforvaltaren er klageinstans.
SMIL og etablering av kantvegetasjon
Landbruket i Vestland har lenge vore kjent for opne landskap og barberte elvekantar, og dette har lenge vore sett på som eit ideal. Men er dette eigentleg bra for livet i elva?
Publisert 09.10.2024
Kan ein få støtte til virtuelle gjerde?
SMIL-midlar skal normalt ikkje nyttast til laust teknisk utsyr slik som virtuelle gjerde (Nofence). Støtte til slikt utstyr kan inngå i beitebruksmidlane, forutsett at utstyret skal nyttast i utmarka.
Publisert 28.04.2023
Tilskot til gjødsellager
Kommunane er oppmoda om å prioritere etablering av dekke over gjødsellager ved tildeling av tilskot til spesielle miljøtiltak i jordbruket (SMIL). Innovasjon Norge har også eit tilskot til bygging av nytt gjødsellager med fast toppdekke. Etablering av dekke dempar utslepp til luft og aukar lagerkapasiteten for husdyrgjødsel.
Publisert 28.04.2023
Tilskot til bygging av gjødsellager
Fekk den noko seine våren deg til å tenke på lagerkapasitet for husdyrgjødsel? Det er mogleg å søkje Innovasjon Norge om støtte til å bygge nytt gjødsellager. Kommunen kan også løyve SMIL-midlar til tak/dekke over eksisterande gjødsellager.
Publisert 02.02.2022
SMIL-midlar til klima- og forureiningstiltak
Tilskot til spesielle miljøtiltak i jordbruket (SMIL) kan nyttast til å betre vassmiljøet og samstundes gjere garden rusta for eit endra klima.
Publisert 10.05.2021
Fjerning av piggtråd og SMIL-midlar
Det er behov for auka innsats for å fjerne gamal piggtråd. Kommunen kan vurdere om SMIL-midlar i nokre tilfelle kan brukast til dette.
Publisert 29.09.2020
Endring i SMIL-forskrift
Forskrift om spesielle miljøtiltak i jordbruket er endra, slik at det ikkje lenger er krav om å ha eit føretak for å kunne få SMIL-tilskot.