Nytt gjødselregelverk er fastsett
Regjeringa fastsette nytt gjødselregelverk på fredag. Det nye regelverket består av to nye forskrifter. Gjødselbrukforskrifta gjeld mellom anna lagring og bruk av husdyrgjødsel, biorest, mineralgjødsel mm. Gjødselvareforskrifta gjeld produksjon og omsetting av gjødselvarer.
Nokre større endringar trer i kraft om to år
Blant dei største endringane i ny gjødselbrukforskrift er strengare krav til kor mykje fosfor ein kan tilføre. Tidlegare omfatta dette berre husdyrgjødsel, men no er det summen frå ulike gjødselslag som gjeld. Total mengde fosfor er også redusert. Fleire av dei største endringane trer i kraft frå 2027.
Mykje blir nytt frå i år
Krav til spreiefrist om hausten, innstramming på fosfortilførsle og kva som er lov ved gjødsling på innmarksbeite er blant endringane som gjeld allereie frå 2025. Vi kjem tilbake med omtale av dette.