Endring i reglane om nydyrking
Stortinget vedtok 31. mai 2021 endring av regelverket om nydyrking. Konsekvensane av vedtaket må utgreiast, så endringa har ikkje tredd i kraft. Gjeldande regelverk om forbod mot nydyrking av myr står framleis ved lag.
Dette innholdet er mer enn ett år gammelt. Informasjonen kan derfor være utdatert.
Stortinget fatta i møte den 31. mai 2021 vedtak om endring av jordloven § 11 andre ledd. Vedtaket omfattar endringar i regelverket om nydyrking.
Endring av paragrafen om nydyrking i jordlova
Gjeldande regelverk i jordlova §11 andre ledd:
"For å unngå skade på natur- og kulturlandskap eller for å redusere utslepp av klimagassar kan departementet gi føresegner for nydyrking. I føresegnene kan det fastsetjast forbod mot nydyrking og at nydyrking berre kan skje i samsvar med ein plan godkjend av departementet."
Denne paragrafen blir endra til:
"For å unngå skade på natur- og kulturlandskap eller for å redusere utslepp av klimagassar kan departementet gi føresegner for nydyrking. Søknad om nydyrking eller nedbygging av myr kan berre skje der omsynet til klima, natur- og kulturlandskap vert varetatt gjennom ein heilskapleg plan godkjend av den enkelte kommune".
Endringane har førebels ikkje tredd i kraft
Landbruks- og matdepartementet fremja 4. juni ein kongeleg resolusjon og lovvedtaket vart godkjent.
Det er behov for å gjere ei vurdering av konsekvensane av lovvedtaket, òg korleis den nye regelen kan samordnast med anna relevant regelverk.
Endringane i jordloven § 11 andre ledd har ikkje tredd i kraft. Det er førebels ikkje mogleg å seie noko om når dette vil skje. Landbruksdirektoratet har difor sendt ut informasjon om at gjeldande regelverk om forbod mot nydyrking av myr enda står ved lag.