Lausdriftsfjøs med under 30 kyr er prioritert

Landet vårt er ulikt, og storleiken på mjølkebruka varierer mykje. Det er difor naturleg at det både vert bygd små og store lausdriftsfjøs. For å nå målet om landbruket over heile landet har mjølkefjøs med 15-30 kyr hatt politisk prioritet.

Tabell 1 viser korleis denne prioriteringa har påverka handsaming av søknader om investeringsstøtta frå Innovasjon Norge. I snitt for perioden 2018-2021 finn vi dei minste utbyggingane i fylka Vestland med 30 kyr, Agder med 34,3 kyr og Rogaland med 35,8 kyr etter utbygging. I andre enden finn vi fylka Troms og Finnmark med 45,3 kyr, Oslo og Viken med 45 kyr og Nordland med 42 kyr etter ei utbygging.

Tabell 1: Tal mjølkekyr etter utbygging på føretak som fekk investeringsstøtte til utbygging i åra 2018-2021. Fordeling i gruppa mjølkeproduksjon med kostnad over 4 mill. Kjelde: Innovasjon Norge.

Tabell 2 viser tal for 2021, og kor stor del av prosjekta i gruppa mjølkeproduksjon med investering over 4 mill. kroner som går til lausdriftsfjøs med 15-30 kyr. Fylka Agder, Vestland og Innlandet har brukt over 60 prosent av ramma til mindre lausdriftsfjøs. Lågast del finn vi i Vestfold og Telemark med 0 prosent, Finnmark med 0 prosent og Nordland med 15 prosent.

Statistikken viser at kalkyle for kostnaden i 2021 med ei investering i fjøs med under 30 mjølkekyr ligg mellom 7 og 8 mill. kroner. Dette er kalkylar som er laga i 2020 før den store prisauken. Investeringsstøtta for prosjekt i denne gruppa er mellom 1,56 og 2,2 mill. kroner. Likt for alle desse prosjekta er at dei har under 30 kyr etter investeringa.

Tabell 2: Del av søknadene i gruppa 15-30 kyr, kostnadskalkyle, investeringsstøtte og tal kyr før og etter investering i 2021. Fordeling i gruppa mjølkeproduksjon med kostnad over 4 mill. Kjelde: Innovasjon Norge.