Invitasjon til Klimaomstillingskonferansen 2025

"Tid for endring – Halvvegs i tiåret for handling"

Dette er konferansen for alle som ønsker å ta del i debatten om klimaomstillinga og korleis vi saman kan handle for å forme ei meir klimarobust framtid. Kva må vi gjere for å oppnå endringane som trengst for å møte klimautfordringane på globalt og lokalt nivå? 

Konferansen vil gje verdifull innsikt i kva som er dei grunnleggande samfunnsendringane som må til, samt perspektiv på den internasjonale klimapolitikken. Det vil og vere innlegg om viktige tema som klimarisiko, naturbaserte løysingar og havnivåstiging – kunnskap som er essensiell for å forstå og møte dei utfordringane som ligg framfor oss. 

Vi inviterer deg til å feire jubileum med oss

Bli med på konferansen – det blir ei inspirasjonsrik og informativ samling, der du får både djupe faglege innblikk og praktisk kunnskap som du kan ta med deg vidare i ditt eige arbeid med klimarelaterte utfordringar. I tillegg vil det vere fleire turar rundt i Sogndal på programmet, og eit spennande kveldsprogram spekka med god klima-underhaldning!

Frist for påmelding er måndag 14. april 2025. 

Meir informasjon om program og påmelding ligg på konferansen sin nettstad.