Webinar Dialog SKOG 2/23 - Korleis klarer vi å engasjere skogeigarane i skogbruket?

Skogeigarane på Vestlandet hogg stadig meir skog – tømmerprisane er gode. Det vert investert mykje statlege midlar i skogsvegar, tømmerkaier og skogbruksplanar. Til og med konsekvensane av dei pågåande klimatiske endringane har vi så langt slept unna. Vestlandsskogbruket  klarar seg bra.

Men et eller annan stad svikter systemet. Skogeigarane er skremmande lite interessert i planting og ungskogpleie – heilt avgjerande investeringar for eit berekraftig skogbruk. Omdisponering til landbruksjord vert brukt som argument, ofte nokså usannsynleg at dette skjer i realiteten.

Etter hogst har dei fleste skogeigarane sett av skogfond – midlar som skal nyttast til nye investeringar i skogen. I realiteten veks totalbeløpet av inneståande skogfond inni himmelen no for tida, i gjennomsnitt står skogfondet i 12 år på kontiane. Dette er også eit teikn på manglande satsingsvilje.

Kva skal til for at fleire skogeigarar forstår verdien av langsiktige og vedvarande investeringar i skogen? Dette vil vi diskutere med formidlingsekspertane frå det regionale skogselskapet vårt og Skogkurs.

Påmelding her eller i høgremargen.

Program

Påmelding og praktisk informasjon

Det er gratis å delta, men du må registrere deg i forkant. Webinarane varer normalt 45-60 minuttar. Det vert sett av tid til å svare på spørsmål frå deltakarane. Spørsmål sendast inn via chat og vert svart på direkte av innleiarane eller av chatansvarleg.