Statsbudsjettet for 2025
Regjeringa Støre har i dag lagt fram Statsbudsjettet for 2025. Veksten i frie inntekter er noko høgare enn det som vart varsla i kommuneproposisjonen, grunna anslag for meirkostnader til demografi og pensjon, og kompensasjon som følgje av dei samla endringane i inntektssystemet.
Pårekna vekst i frie inntekter for kommunane i Vestland frå anslag rekneskap 2024 til framlagt statsbudsjett 2025 er 5,7 prosent, medan snittet for landet er 5,8 prosent. For Vestland ligg 23 kommunar over veksten for landet og 20 kommunar under. Anslag på deflator er sett til 4,1 prosent for 2025.
Veksten i frie inntekter vil variere mellom kommunane. Årsaker som påverkar kommunane ulikt frå år til år er folketal og alderssamansetjing, endringar i inntektssystemet eller andre kriteriedata, skjønnstilskot, regionalpolitiske tilskot, eller skattegrunnlaget.
Kontaktpersoner
-
Håvard Rød
Tlf: 55 57 21 43 / 95 80 97 40 -
Marit Lunde
Tlf: 57 64 30 05 / 95 06 29 35 -
Synnøve Stalheim
Tlf: 57 64 30 04