Fellesprosjekt Arna - Stanghelle (FAS) - område Aust - søknad løyve etter forureiningslova for anleggsarbeid

FAS søkjer om løyve etter forureiningslova for anleggsarbeid i område Aust, som er frå og med Furnestreet til og med Vaksdal i Vaksdal kommune.  Dei førebuande arbeida gjeld etablering av permanent massedeponi for sprengstein på Dalehagen som i ein periode vil fungere som riggområde med drift av knuseverk og mellomlager for bunnrenskmassar

Oversikt over aktivitetar i område Aust.

Oversikt over aktivitetar i søknadsområde Øst som FAS søkjer om løyve til i denne søknaden, og aktivitetar som kjem til å bli omsøkt på seinare tidspunkt. For aktivitetar som kjem til å bli omsøkt seinare inkluderer oversikten hovudaktivitetar i prosjektet, men er ikkje uttømmande

Kartutsnitt fra Dalehagen i Vaksdal kommune. Ytterkanten av det skraverte oransje området markerer grensa for anleggsaktiviteter i FAS som søknaden gjelder for. Det brune området viser sprengsteinsdeponiet.

Om anleggsarbeida for Fellesprosjektet Arna – Stanghelle (FAS)

Anleggsarbeida for Fellesprosjektet Arna – Stanghelle (FAS) er delt inn i to hovudfasar:

• Førebuande arbeid (oppstart 2024 – første halvår 2026)
• Hovudprosjekt (forventa avslutta 2034)

Tiltaksområdet er oppdelt geografisk i fire område som vist i figur 3.  Statens vegvesen søkjer om løyver for anleggsarbeidet i førebuings- og hovudprosjektfase etter denne inndelinga. Inndelinga i søknadsområde er basert på typen resipient, typen anleggsarbeid og den geografiske entreprisedelinga i hovudprosjektet. For kvart søknadsområde vil det bli sendt inn fleire delsøknader om utviding/endring av gjeldande løyve i løpet av anleggsperioden. Delsøknadene vert sendt inn kontinuerleg, avhengig av framdrifta i prosjektet.

Oversikt inndeling i søknadsområde Vest, Midt, Øst og Sørfjorden, Kjelde: Statens vegvesen

Søknader om fire nye løyver og ein søknad om endring

Statsforvaltaren mottok 22. mars 2024 fire nye søknader om løyve og ein søknad om endring som vert sende på høyring som eigne saker. Nedanfor er ein oversikt:

• FAS Vest – arbeid knytt til etablering av riggområde på Espeland nord med drift av knuseverk og mellomlager for bunnrenskmassar. SFVL saksnummer 2024/4959
• FAS Midt – arbeid knytt til etablering av permanent massedeponi på Trengereid for ikkje forureina massar som i ein periode vil fungere som riggområde med drift av knuseverk og mellomlager for bunnrenskmassar og reinsing av tunnelvatn frå driving av 2,9 km tunnel. SFVL saksnummer 2024/4958
• FAS Øst – arbeid knytt til permanent massedeponi for sprengstein på Dalehagen som i ein periode vil fungere som riggområde med drift av knuseverk og mellomlager for bunnrenskmassar. SFVL saksnummer 2024/4960 (Denne saka)
• FAS Sørfjorden – arbeid knytt til etablering av dei tre sjaktene for nedføring av overskotsmassar til sjødeponi (Fossneset/Gamle Fossen, Langhelleneset og Naustvika) herunder undervasssprenging og reinsing av tunnelvatn. SFVL saksnummer 2024/4961
• FAS Sjødeponi - Løyve til sjødeponi blei gjeve 19. juni 2023 og er søkt endra som følgje av endra lokalitet for sjødeponi i Bergen kommune og endra nedføringsløysning. SFVL saksnummer 2019/20103

Offentleg ettersyn

Søknad om  løyve etter forureiningslova med risikovurdering og vedlegga finn du til høgre på denne nettsida. 

Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.

Merk saka med referansenummer 2024/4960. Frist for å gje fråsegn er 10. mai 2024.  

Alle fråsegner vert registrerte i vår postjournal. Alle må difor skrive under med fullt namn.