Legar i spesialisering (LIS1) får endring i læringsmål

Ifølgje Helsedirektoratet er ikkje endringane av dramatisk karakter, og heilskapen i læringsmåla er bevart. Det er likevel viktig å merke seg at endringane kan få innverknad på læringsaktivitetane til LIS1. Legar i spesialisering og personell som har ansvar for deira opplæring og rettleiing bør gjere seg kjent med endringane.

Kompetanseportalen og utdanningsløpet for dei som skal følgje dei reviderte læringsmåla, vil bli justert. Etter revisjonen er det framleis 101 læringsmål for del 1 av spesialistutdanninga. Dei felles kompetansemåla er ikkje endra.

Meir informasjon om dei endra kliniske læringsmåla for LIS del 1 finn du på nettsida til Helsedirektoratet.