Raudt nivå i skulen avgrensar smitte effektivt

Folkehelseinstituttet har undersøkt effekten av ulike smitteverntiltak i skulane i perioden februar – april 2021 i Oslo og kommunar i Viken.

Hovudfunna i rapporten er:

• Det var nedgang i tal smittetilfelle per dag blant barn og unge etter innføring av raudt nivå i skulane.
• Tiltaka i skulane vart innført samstundes som andre tiltak i samfunnet. Alle kommunane hadde reduksjon i tal smittetilfelle per dag.
• I dei tilfella der kommunane innførte heimeskule ser ikkje dette til å ha ein tilleggseffekt utover effekten av raudt nivå.
• Tal smitteklynger i skulane vart redusert i perioden med raudt nivå. I Oslo skjedde dette samstundes som smitten i samfunnet elles auka.

Les meir om rapporten og tilrådingane frå Folkehelseinstituttet her.