Rektorane må vere merksame på at varsel om juks berre dukkar opp i PAS
Nytt på eksamen i år er at Utdanningsdirektoratet (Udir) har utvikla eit standardskjema i PAS som sensor skal bruke for å melde frå ved mistanke om juks.
Sensorar melder frå om mistanke om juks digitalt via PAS
Tidlegare har sensor meldt frå til statsforvaltaren ved mistanke om juks. No skal sensor heller melde frå ved mistanke om juks ved å bruke standardskjemaet i PAS.
Rektor må sjekke PAS kvar dag
Vi gjer merksame på at rektor berre vil bli varsla i PAS ved mistanke om juks, og at rektor difor må følgje med undervegs i sensurperioden og på fellessensurdagane. Varselet vil komme opp på skuleadministrator si landingsside i PAS.
Ved melding om mistanke om juks, skal rektor undersøke saka før det eventuelt blir gjort enkeltvedtak om annullering av eksamen. Eleven skal i forkant ha høve til å uttale seg. Du finn meir informasjon om saksgangen på Udir si heimeside, her.
Annullering av eksamen er eit enkeltvedtak som kan påklagast til statsforvaltaren.