Meir kjeldesortering på jobben

Dei nye krava gjeld papp- og papiravfall, glas- og metallemballasje og tekstilavfall. Allereie no er det krav til kjeldesortering av matavfall, plastavfall og park- og hageavfall. 

Alle kommunar og verksemder som produserer hushaldsliknande avfall, er omfatta av desse krava og skal leggje til rette for kjeldesortering.

– Fleire andre land i Europa har allereie nådd avfallsmåla til EU, men Noreg har ein lang veg å gå. For at Noreg skal klare å materialattvinne ein større del av avfallet vårt, må vi kjeldesortere meir, og fleire typar avfall. Dette gjeld anten vi er heime, på jobben eller på hytta, seier Ellen Hambro, direktør for Miljødirektoratet.

Miljødirektoratet vil føre tilsyn med både kommunar og verksemder for å sikre at eksisterande og nye utsorteringskrav blir overhalde.

Les meir om saka på heimesida til Miljødirektoratet.

Kontaktpersoner i Miljødirektoratet:

• Jone Rivrud Rygg, seksjonsleder
  epost: Jone.Rivrud.Rygg@miljodir.no
  
  
• Marita Lervik Mthethwa, seniorrådgiver
  epost: marita.lervik.mthethwa@miljodir.no