Produksjonstilskot - oppfølging vanleg jordbruksproduksjon
Innan landbruksforvaltinga i kommunane skal fatte vedtak om produksjonstilskot for 2020, ber vi dykk om å sørge for at vilkåret om vanleg jordbruksproduksjon er følgt opp.
Publisert 15.01.2021
No er produksjonsåret 2020 over og størstedelen av produksjonen er seld/levert frå føretaka, og det er eit gunstig tidspunkt for å vurdere produksjonsnivået til føretaka.
Statsforvaltaren har laga eit dokument som de kan bruke som støtte ved vurderingane av om vilkåret om vanleg jordbruksproduksjon i forskrift om produksjonstilskot og avløysartilskot i jordbruket § 2 er oppfylt. Dokumentet ligg til høgre på sida for kommunal landbruksforvalting. Kom gjerne med innspel til forbetringar av dokumentet.