Takk for meg!

Etter 27 år hos Statsforvaltaren og halvparten av desse åra som assisterande direktør, takkar eg no for meg. Den siste arbeidsdagen min er 31. januar.

Eg har fått ny jobb i Vestfold og Telemark fylkeskommune og skal framover jobba innan kompetanse, inkludering og entreprenørskap. Det blir mindre landbrukstema for meg no, men det blir moro å få innblikk i og kunnskap om nye fagområde.

Eg takkar gode kollegar i kommunane for godt samarbeid og samhandling gjennom mange år. Takk òg til dei i Vestfold-kommunane som eg har vorte kjent med dei siste 3 åra. Det har vore triveleg og morosamt å samarbeide med dykk, og eg kjem til å sakne alle saman. Men kanskje vil òg vegane våre kryssast igjen; landbruket er ein flott arena for både entreprenørskap og integrering. Så nøl ikkje med å ta kontakt med meg om aktuelle prosjekt og moglegheiter.

Eg ønskjer dykk lykke til vidare i arbeidet knytt til ei særs viktig næring. Landbruket står framfor mange store utfordringar i tida som kjem, og kommunane er viktig som førsteinstans.

Helsing Marita Bruun