Nytt verktøy for planleggjing av bemanning på helsestasjon
Helsedirektoratet lanserer eit nytt verktøy, som skal gjera det enklare for kommunane å berekna og planlegga bemanninga på helsestasjonar 0-5 år.
Dette innholdet er mer enn ett år gammelt. Informasjonen kan derfor være utdatert.
Verktøyet er tilgjengeleg i form av ein enkel Excel-fil og ein brukarrettleiing som ein lastar ned til PC-en sin.
Utrekning av bemanning i helsestasjons- og skulehelsetenesten
Verktøyet er utvikla i tett samarbeid med leiarar og fagpersonar frå helsestasjons- og skulehelsetenesten og viser minimumsbehovet for helsesjukepleiar, lege, fysioterapeut og merkantilt personell for å fylla krav i Forskrift om kommunens helsefremmende og forebyggende arbeid i helsestasjons- og skolehelsetjenesten og tilrådingar i nasjonal fagleg retningsline for helsestasjons- og skulehelsetenesta.
Ved å leggje inn eigne tal, kan kvar enkelt helsestasjon nytte verktøyet til å planleggje kor mange helsesjukepleiarar, legar, fysioterapeutar og merkantilt personell dei må ha på jobb.
Under Covid-19 bør kommunane halda oppe eller retta opp igjen normal aktivitet i helsestasjon, skulehelsetenesten og helsestasjon for ungdom.
Webinar
I samband med publisering av verktøyet, inviterer Helsedirektoratet til eit webinar onsdag 20. januar 2021 frå klokka 14.00 - 15.00. Her blir verktøyet gått gjennom og Helsedirektoratet vil og svara på spørsmål frå deltakarane.