Nå er naturtypekartlegging 2020 publisert

Dette vil løfte kunnskapsgrunnlaget som ligg til grunn til for planarbeid, forvalting og tilskotshandsaming på alle nivå frå grunneigarar, kommune, fylke og staten. Karta visar kva område som er undersøkt og kvar det er gjort funn av viktige og raudlista naturtypar. I faktaarket til kvar registrering finn me lokalitetskvalitet basert på tilstand og naturmangfald.

I Rogaland er 535 km2 undersøkt (Fig. 1). Her er registrert 6725 ulike naturtypefigurar, som igjen utgjer 24,7% av dekningsarealet.

Miljødirektoratet har utvikla ein instruks for naturtypekartlegging som er basert på klassifiseringssystemet Natur i Noreg (Artsdatabanken). Instruksen definerer metoden for kartlegging av naturtypar innafor eit dekningsområde (Fig. 2). Biofaglege ekspertar nyttar instruksen til å identifisere raudlista naturtypar og naturtypar som er viktige for mange sjeldsynte og raudlista artar. Kartleggerane skal søke over heile dekningsarealet, og vil registrere og kvalitetsvurdere alle naturtypar dei treff på i felt. I 2020 var 109 naturtypar inkludert i instruksen, t.d. kystlynghei, lågurt-edellauvskog, hol eik, sanddynemark, kalkgranskog, boreonemoral regnskog, kalkrik rabbe. Instruksen omfattar såleis natur frå lågt til høgt over heile landet.

I 2020 var 109 naturtypar inkludert i instruksen, t.d. kystlynghei, lågurt-edellauvskog, hol eik, sanddynemark, kalkgranskog, boreonemoral regnskog, kalkrik rabbe. Instruksen omfattar såleis natur frå lågt til høgt over heile landet.

Dette arbeidet er ein del av ein nasjonal kartlegging for å betre kunnskapsgrunnlaget om norsk natur, vedteke av Stortinget i 2015.

Data som vert innhenta i felt er offentleg tilgjengeleg gjennom naturbase og temakart Rogaland. Det vil bidra til ei effektiv og lik handsaming slik at det blir lettare å ta rette avgjerder også med omsyn til naturverdiane i regionen.

Kartlegginga vil vere nyttig for grunneigarar, mellom anna om dei søkjar tilskot til tiltak for trua natur og kulturlandskap, eller støtteordningar som SMIL og regionalt miljøprogram (RMP).

Karta er nå tilgjengeleg på Naturbase eller i Temakart Rogaland. For Temakart Rogaland nyttar ein tema «Natur», «Naturtyper – NiN». Her finn ein detaljkart over dei ulike naturtypane med fargekode for lokalitetskvalitet (Fig. 3). For kvar registrert naturtype finn ein eit faktaark om ein trykkar på den einskilde figuren i kartet (Fig. 4). Her vil ein finn utdjupande forklaring på kva naturtype det er, årsaka til gitt lokalitetskvalitet, mm.

Om ein ønskjer meir informasjon om naturtypekartlegging, og korleis ein kan nytte desse karta, så visar me til Miljødirektoratet sine sider om naturtypekartlegging, sjå lenkjer.