Prosjekt Betre vasskvalitet i Hålandsvatnet

Medan dei andre vassførekomstane i Jæren vannområde viser teikn til betring, har Hålandsvatnet peika seg ut i negativ retning. Mange er utolmodige, og vil ha raske resultat. Men det er grunn til å smøre seg med tolmod. Langvarig belastning frå jordbruk, avløp og anna aktivitet i nedslagsfeltet har resultert i svært fosforrike sediment. Første prioritert er å redusere dei årlege tilførslane som i dag overskrid toleevna til vassdraget.

Prosjektet grip over både jordbruk, avløp og natur. Margit Reiersen blei tilsett i august 2022 som prosjektleiar, og prosjektplanen blei godkjend i styringsgruppa 17. mars 2023. Saman med kommunane, fylkeskommunen, bøndene og interesseorganisasjonane i området er det sett i gang ei rekke tiltak.