Bli med på konkurranse og send inn når og kor du ser vipa
![Vipe på Tungenes i Randaberg kommune. Foto: Tonje Fjermestad Aase. Vipe på Tungenes i Randaberg kommune.](/contentassets/779742e973ed4ba1817a033a5b4b8897/april_vipe_tungenes_tonje.jpg)
Våren og vipa er snart her! Bli med på vår konkurranse, og send inn når og kor du ser vipa. Førstepremien er ei korg med lokalmat frå Rogaland, og i tillegg kan vi lokke med tre flotte vipekoppar.
Dette innholdet er mer enn ett år gammelt. Informasjonen kan derfor være utdatert.
For å vinne korga med lokalmat må du sende inn bilde. Sender du ikkje inn bilde blir du med i trekkinga av tre vipekoppar. Konkurransen blir avslutta 1. mai 2023, og vinnarane blir kontakta innan 15. mai på anten e-post eller telefon.
Vi ønskjer at du gir detaljert informasjon om kvar du såg vipa, slik at det blir mogleg å legge observasjonen inn i artsdatabanken i etterkant.
Bilde
Innsendaren har sjølv ansvar for å ha opphavsrett til bilda og sørge for at eventuelle avbilda personar er gjort kjend med og har godkjend at bilda blir brukt i offentlegheita. For bilde av born, må innsendar ha godkjenning frå foreldra om at bileta er med i konkurransen.
Alle bilda blir automatisk offentlege ved innsending til konkurransen. Bilda vil kunne bli brukt i digitale artiklar, trykksaker og sosiale medium av Statsforvaltaren i Rogaland. Slik bruk vil skje utan vederlag til fotografen, men fotografen vil bli namngitt.
Statsforvaltaren i Rogaland er arrangør av konkurransen.