Beitekrav er no kopla til arealsonene
Krav til beitetid i holdforskrifta for storfe på bås er no knytt til kva for ei arealsone beiteområdet ligg i.
Publisert 27.09.2024
Det har no kome presiseringar av beitekrav i forskrift om hold av storfe for storfe i båsfjøs. Kva for ei arealsone beiteområde ligg i er no avgjerande for lengda på kravet om beitetid. For storfe i båsfjøs med beiteområde i areal sone 1 - 4, er det krav om 16 veker. For beiteområder i areal sone 5 - 7, er det krav om 12 veker.
Endringa i forskrift om hold av storfe er gjeldande frå 2. september 2024. Oversikt over arealsonene ligg i jordbruksavtalen. Lenkje til forskrift og jordbruksavtale finn du i høgremargen.
Kravet om 16 veker beitetid for storfe i båsfjøs gjeld for beiteområde i desse kommunane:
- Stavanger, unntatt tidlegare Finnøy og Rennesøy
- Sandnes, unntatt tidlegare Forsand
- Bjerkreim
- Hå
- Klepp
- Time
- Gjesdal
- Sola
- Randaberg
- Strand
Krav om 12 veker beitetid for storfe i båsfjøs gjeld for beiteområde i desse kommunane:
- Egersund
- Stavanger, beiteområde i tidlegare Finnøy og Rennesøy
- Haugesund
- Sandnes, beiteområde i tidlegare Forsand
- Sokndal
- Lund
- Hjelmeland
- Suldal
- Sauda
- Kvitsøy
- Bokn
- Tysvær
- Karmøy
- Utsira
- Vindafjord
Kart som viser soneinndeling henta fra Landbruksdirektoratet si nettside.
