Kommuneøkonomidagen 2024

For å ta oss inn i det reviderte nasjonalbudsjettet, kommuneproposisjonen og det nye inntektssystemet kjem statssekretær Ole Gunnar Narud frå Kommunal- og distriktsdepartementet. Det vert sett av god tid til spørsmål frå kommunane. 

Økonomisk berekraft
Alle kommunane i Rogaland jobbar med omstillingar, mellom anna som følgje av demografiske endringar i befolkninga. Inntektene skal rekke til fleire og ofte meir krevjande tenester. På kommunedagen er difor økonomisk berekraft eit tema. Kommunalbanken vil fortelle om den modellen dei brukar for å kredittvurdere kommunane. Økonomisk berekraft ligg til grunn i modellen.

Mange kommunar slit med eit høgt korttidssjukefråvær som kostar kommunane mykje pengar. Frå Sokndal kommune kjem kommunedirektøren og fortel om korleis dei har jobba for å redusere sjukefråværet. 

I Karmøy kommune har dei eit prosjekt som både gir auka kvalitet og økonomiske innsparingar. Prosjektleiaren kjem for å fortelje om prosjektet Kommunalt legemiddelteam. 

Rogaland fylkeskommune har nyleg starta opp eit arbeid i samarbeid med kommunane med namn Berekraftfylket Rogaland. Regionalplansjefen kjem saman med ein av sine rådgjevarar for å fortelje korleis dette prosjektet vil vere til støtte for kommunane i arbeidet med å nå FN sine berekraftmål.  

Program og påmelding til Kommuneøkonomidagen 2024 finn du her.