Videosnuttar om kommunal styring og forvalting for politikarar
No kan kommunepolitikarar få ei rask og god opplæring i kommunal styring og forvalting gjennom ei rekkje små videosnuttar. Tema i videoane er mellom anna kommunal planstrategi, plansystemet, kommuneøkonomi, habilitet, by- og tettstadutvikling, folkehelse, ungt utanforskap, boligsosialt arbeid, universell utforming, klimaomstilling, naturmangfold og jordvern.
Dette innholdet er mer enn ett år gammelt. Informasjonen kan derfor være utdatert.
Statsforvaltaren i Møre og Romsdal har saman med Møre og Romsdal fylkeskommune laga heile 27 små videosnuttar om kommunal styring og forvalting for kommunepolitikarar. Videoane er like aktuelle for kommunepolitikarar i Rogaland, som for kommunepolitikarar i Møre og Romsdal. Videoane er frå 3-8 minutt, og gir nyttig kunnskap om tema som er heilt grunnleggjande å kjenne til for å vere med og styre ein kommune. Du finn alle videoane her.
