Statusbrev til kommunane

Vi sendte ut eit informasjonsbrev i november 2014, der hovudføremålet var å medverke til at kommunane starta opp arbeidet med kommunereforma. Vi annonserte samstundes om høvet til å få tildelt skjønnsmidlar til reformarbeidet, og alle kommunar har nå fått slik tildeling. Brevet vi no sender tek utgangspunkt i status per august og vegen vidare for reformarbeidet.

Naboprat

Mange kommunar er no i ein fase der det skal takast konkret stilling til kva nabokommunar som skal inviterast til naboprat, og om det kan vere aktuelt å starte arbeidet med intensjonsavtalar.

Involvering av innbyggjarane

Alle kommunar står no føre eit viktig arbeid knyta til informasjon til innbyggjarane, og det å leggje til rette for involvering og medverknad. Dette blir ei viktig oppgåve i reformarbeidet framover, og brevet viser til måtar å gjere dette på. Vi har mellom anna vist til døme på innbyggarundersøkingar som ligg på Distriktssenteret si nettside.

Nye folkevalde

I brevet har vi opplyst at vi, saman med KS, gjerne kan bidra med informasjon om kommunereforma til nyvalde politikarar.

Vi har også annonsert at det blir ei prosess-samling for alle kommunar den 28. oktober 2015.

Du finn brevet i høgremargen.