Svakare driftsresultat i kommunane i 2018, men betre enn landet

Netto driftsresultat er eit uttrykk for kommunanes handlefridom, og kva dei har til disposisjon til investeringar og reservar. Over tid må netto driftsresultat være positivt for en berekraftig økonomi. Best netto driftsresultat i 2018 hadde Utsira, Suldal og Finnøy, medan Randaberg, Eigersund og Lund hadde de svakaste tala, med sine negative netto driftsresultat. 21 av 26 kommunar har oppnådd driftsresultat høgare enn TBU si anbefaling på minimum 1,75 %. Rekneskapsdata manglar for ein kommune.

Sjølv om driftsresultatet i kommunane enda litt lågare enn 2017, er det betre enn landet. Dette til tross for at skatteinngangen var svakare enn landet også i 2018, og tyder på bra økonomistyring.

Netto driftsresultat i prosent av brutto driftsinntekter i 2017 og 2018 går fram av tabellen nedanfor:

Førebels tall for netto lånegjeld i prosent av brutto driftsinntekter er for 2018 lågare enn i 2017, med 61,2 % for Rogaland og 78,5 % for landet utan Oslo. Berre to Rogalandskommunar har netto lånegjeld over 100 %. 16 av 26 kommunar har lågare netto lånegjeld enn i 2017.

Netto lånegjeld i prosent av brutto driftsinntekter for 2017 og 2018 går fram av tabellen nedanfor:

Disposisjonsfond i prosent av brutto driftsinntekter har for fylket falle sidan i fjor, frå 12,5 til 9,3 %, og er litt lågare enn for landet utan Oslo. Samla disposisjonsfond for Rogaland i 2018 er 3 587 mill. kr, ein reduksjon på omkring 24 % frå 2017. Disposisjonsfond er ein oppspart reserve som kan nyttast til både drifts- og investeringsformål.

Disposisjonsfond i prosent av brutto driftsinntekter for 2017 og 2018 går fram av tabellen nedanfor:

Merk at det er nytta konserntal her, dvs. at kommunale føretak (KF) og interkommunale selskap (IKS) er med.