Statsforvaltaren i Rogaland skal fordele femti millionar kroner i ekstra skjønstilskot til kommunane

KMD har i si fordeling lagt vekt på å treffe dei fylkene som har hatt dei høgaste meirutgiftane til smittevern og oppfølging av TISK-strategien. Som grunnlag for fordelinga har dei brukt rapportering om status for meirkostnader frå alle kommunane i landet, samla inn av statsforvaltarane i mars 2021. Kommunane ga i rapporteringa også eit samla anslag for meirkostnader for heile fyrste halvår 2021. 

Tabell 1: Fylkesvis fordeling av 1,5 milliardar kroner i skjønstilskot, 1. halvår 2021

Statsforvaltaren skal dele ut til kommunar

Det er Statsforvaltaren som avgjer den vidare tildelinga til kommunar og vi har fått følgjande retningliner frå KMD:

- Tilskotet skal berre gå til kommunar.

- Tildelinga skal vere målretta til kommunar med dei høgaste meirutgiftane grunna smittevern og oppfølging av TISK-strategien som følgje av pandemien.

- Departementet skal ha den kommunevise fordelinga fra Statsforvaltaren innan 14. juni 2021.

- Det skal ikkje vere rapportering til departementet på bruken av midlane.

- Midlane vil bli utbetala til kommunane i termin sju.

Statsforvaltaren kan langt på veg gjere ei tildeling av dei ekstra skjønsmidlane ut frå den rapporteringa som kommunane i Rogaland gjorde i mars 2021. Smittesituasjonen har likevel vore betydeleg endra i fleire av kommunane sidan mars. Vi vil difor gje desse kommunane ei sjanse til å kome med ei oppdatert rapportering før tildelinga. Kommunane har frist til å gje ei tilbakemelding innan 7. juni kl. 12.    

Kommunane har fått ekstra midlar gjennom innbyggjartilskotet

Det ekstra skjønstilskotet kommer i tillegg til pengar som allereie er fordelt til kommunane på grunn av pandemien for 1. halvår 2021 gjennom innbyggjartilskotet. Kommunane har også fått midlar til kontrolltiltak med smittevern. Sjå tabell under.