KOSTRA - Intervall for kontroll av kostnader til reinhald og energi
No er det definert intervall for kvalitetssikring av kostnader til reinhald og energi. God kvalitet på KOSTRA-data er ein føresetnad for at statistikken skal ha nytteverdi for både kommunar som vil samanlikne seg med andre kommunar og KOSTRA-grupper, og for statlege einingar som nyttar tala til ulike analysar.
Dei siste åra har Kommunal- og moderniseringsdepartementet (KMD) hatt spesiell merksemd på data som inngår i nøkkeltala for kommunal eigedomsdrift. Desse tala er basert på innrapporterte areal per gruppe formålsbygg og rekneskapstal for aktuelle KOSTRA-funksjonar. Vi har så langt følgt opp feil knytte til aggregerte tal per kommune. Som feil reknar vi manglande rapportering eller ekstremverdiar i nøkkeltala for KOSTRA (eigedomsforvaltning) som ikke er logiske.
Ser vi på aggregerte tal per kommune, er tal feil i rapporteringa på eigedomsområdet halvert for Rogaland frå 2015 til 2018, frå 18 til 9.
KMD har definert eit mål om at tal feil i KOSTRA-rapporteringa skal reduserast vesentleg for både 2019 og 2020 i forhold til 2018.
Intervall for kvalitetssikring
Frå 2020 blir oppfølginga styrka ved at ein også vil måla feil på byggfunksjonsnivå for reinhald og energi. Ei kvalitetssikring vil bli gjennomført ved kontroll mot definerte intervall for kostnad per m2.
I KOSTRA-statistikken for 2018 var det nokre kommunar i Rogaland som mangla tal eller hadde snittkostnader utanfor dei intervalla KMD bruker på byggfunksjonsnivå:
| Byggfunksjon | Intervall | Reinhald | Intervall | Energi |
| 130 Administrasjonslokaler | <70 og >500 | 5 kommunar | <50 og >400 | 4 kommunar |
| 221 Barnehagelokaler og skyss | <100 og >600 | 4 kommunar | <70 og >500 | 4 kommunar |
| 222 Skolelokaler | <100 og >600 | 2 kommunar | <70 og >500 | 1 kommune |
| 261 Institusjonslokaler | <100 og >600 | 5 kommunar | <7 og >500 | 1 kommune |
Merk at intervalla for funksjon 130 er noko lågare enn for dei andre funksjonsgruppene. Intervalla kan bli justert over tid.
Fylkesmannen vil oppfordre kommunane til å gjere ein særleg sjekk på tala som rapporterast inn for reinhald og energi for 2019, om dei ligg utanfor intervalla.
Store skilnader
Intervalla er breie og det er store skilnader mellom rogalandskommunane når det gjeld innrapporterte tal på kostnader til reinhald og energi. For 2018 finn vi desse kommunesnitta i Rogaland og for landet utan Oslo:
| Kroner per m2 |
Snitt landet |
Snitt Rogaland | Høgaste i Rogaland | Lågaste i Rogaland |
| Reinhald | 161 | 156 | 380 | 132 |
| Energi | 126 | 114 | 188 | 86 |
Frist for rapportering av rekneskapstal for 2019 til KOSTRA, er 17. februar.
Kontaktpersoner
-
Kristine Enger
Tlf: 51 56 88 28 / 95 78 56 87