Tilsyn med skolemiljø og internkontroll - felles nasjonalt tilsyn 2022-2025

Tilsynet handlar om internkontroll og skolemiljø: Me skal undersøke om kommunen gjennom den lovpålagte internkontrollen passar på at dei tilsette varslar rektor, undersøker og set inn tiltak i saker der dei får mistanke om eller kjennskap til at ein elev ikkje har et trygt og godt skolemiljø. I år skal me undersøke dette i Suldal og Haugesund.

Utdanningsdirektoratet har laga ein nettstad som heiter RefLex. Der kan de finne meir informasjon om kva me kjem til å spørje om når me kjem på tilsyn.

Reglane om internkontroll

Kommunal – og distriktsdepartementet har laga ein rettleiar som heiter Internkontroll i kommunesektoren. Rettleiaren handlar om internkontrollreglane i kommunelova, og kan vere til god hjelp i arbeidet med internkontroll i kommunen. Målet er at kommunen sin internkontroll skal bidra til å førebygge og hindre regelverksbrot, og sikre at regelverksbrot blir oppdaga og retta. Det er kommunedirektøren som har ansvaret for at kommunen etterlever regelverket.