Gudsteneste i skuletida

Det er frivillig å vere med på julegudstenester. Skular som tilbyr julegudstenester må gje eit alternativ for dei elevane som ikkje ønskjer å delta. Alternativet skal vere eit planlagt pedagogisk opplegg som også omhandlar norsk kultur og tradisjonar.

Verken skulegudstenesta eller det alternative tilbodet skal vere ein del av KRLE-faget.

Dialog og informasjon

Skulen bør vere i dialog med elevar og føresette om deltaking i og gjennomføring av skulegudstenester og alternative tilbod. Skulen skal gi informasjon til alle elevar og foreldre i god tid dersom skulen vil tilby elevane å delta på skulegudsteneste. Samtidig skal skulen gi informasjon om det alternative tilbodet.

Rektor bør jamleg gjennomgå rammene for fritak med lærarane, slik at ein har ein felles og riktig praksis.

Reglar for skulegudsteneste

Utdanningsdirektoratet har laga ein rettleiar om reglar for skulegudsteneste. Rettleiaren gjeld også for skular som er godkjende etter privatskolelova, med unntak av skular godkjende på religiøst grunnlag.

• Gå til rettleiaren på nettstaden til Utdanningsdirektoratet