Gode integreringskommunar

Med 68% låg Rogaland høgare enn landet elles, der 63 % var i arbeid eller utdanning året etter.

Av kommunar med  ti eller fleire deltakarar som avslutta  introduksjonsprogrammet i 2011 er det nokre kommunar som  skil seg positivt ut. 73 % av personane som gjekk ut av introduksjonsprogrammet i Sandnes i 2011 var i arbeid eller utdanning året etter. For Stavanger var talet 64 %. Alle deltakarane som gjekk ut av programmet i Eigersund i 2011 var i arbeid eller utdanning i 2012.

Det er no ti år sidan introduksjonsordninga for nykomne flyktningar vart etablert. Dei som går i dette programmet lærer seg norsk, lærer om det norske samfunnet og norsk kultur og får hjelp til å komme i gang med arbeid eller vidare utdanning. Staten har sett som mål at 70 % av alle flyktningar som gjennomfører programmet skal være i arbeid eller utdanning året etter avslutta program. Målet vart ikkje nådd for landet når det gjeld 2011, men situasjonen er noko betre for 2012. Målet er nådd for menn i Rogaland men ikkje heilt for kvinnene. Kommunane i Rogaland gjer eit godt arbeid med å få flyktningane i arbeid eller utdanning etter avslutta introduksjonsprogram.

Tala kjem frå ein rapport utarbeidd av Statistisk Sentralbyrå nyleg. 

Heile rapporten frå SSB kan hentast på nettsida til Barne, likestillings- og inkluderingsdepartementet HER