Søknad om anleggsverksemd på Kylles

Velde Pukk AS søker om løyve etter forureiningslova §§ 11 og 16 til gjenvinning av rivingsbetong inkludert tegl på Kylles, gnr. 9 bnr. 7 i Sandnes kommune.

Eldre bygningsbetong kan innehelda farlege miljøgifter som til dømes PCB. Verksemder som ønskjer å gjenvinne betong må derfor søkje om særskilt utsleppsløye til dette. I eit utsleppsløyve vil det verte stilt krav om tilstrekkjeleg mottakskontroll til å sikre at avfall som er forureina av miljøgifter ikkje vert nytta til gjenvinning. Det vil og verte sett krav om tiltak som avgrensar utslepp av støy og støv.

Verksemda har i dag særskilt utsleppsløyve etter forureiningslova § 11 for drift av pukkverk på staden. Fylkesmannen vil i samband med søknaden vurdere om løyvet til den ordinære pukkverksdrifta skal erstattast av sjølvberande vilkår fastsett i forureiningsforskrifta kap.30.

Alle søknadsdokument samt verksemda sitt løyve for pukkverket er lagt ut i dokumentlenka til høgre.

Søknadsdokumenta vert og lagt ut til offentleg ettersyn på servicetorget i Sandnes kommune.

Moglege merknader til søknaden kan sendast Fylkesmannen i Rogaland, postboks 59 sentrum, 4001 Stavanger eller fmropost@fylkesmannen.no innan 4 veker frå kunngjeringstidspunktet.