Tilskot til førebyggjande og konfliktdempande tiltak mot rovviltskadar

Forskrift for ordninga er Forskrift om tilskudd til forebyggende tiltak mot rovviltskader og konfliktdempende tiltak (FKT-forskriften) Forskrift om tilskudd til forebyggende tiltak mot rovviltskader og konfliktdempende tiltak (FKT-forskriften) - Lovdata

Ein skal søke i elektronisk søknadssenter på Miljødirektoratet sine nettsider innan 15.februar 2025. Miljødirektoratet - Søknadssenter Her vil ein også finne meir informasjon om søknadsprosessen.

Måloppnåinga for ordninga blir vurdert ut frå om tilskota til førebyggjande og konfliktdempande tiltak bidreg til å stimulere til mindre tap og konfliktar knytt til førekomstar av rovvilt i dei ulike rovviltregionane.

Målgruppe

Målgruppe er føretak med produksjonsdyr, beitelag og kommunar. Lokale, regionale og landsomfattande organisasjonar og forskingsinstitusjonar kan også søke om tilskot, samt

enkeltpersonar for tiltak som har til hensikt å dempe konfliktar forårsaka av rovvilt. Ein reknar sau, geit, storfe, hest, bifolk/bikubar, gris, fjørfe og hjortevilt, samt tamrein som produksjonsdyr i landbruket i forskrifta.

Kva for tiltak kan få tilskot

Tilskotsordninga gir støtte til følgjande tiltak:

• tiltak med direkte tapsreduserande effekt bufe, (§5)
  • Søknadsskjema: FKT - Tilskudd til forebyggende tiltak mot rovviltskader for eiere av produksjonsdyr - Søknadssenter - Miljødirektoratet
  • Tiltak som: tidleg sanking av bufe, forsinka slepp på utmarksbeite, flytting av bufe til mindre rovviltutsette beiteområde, heimebeite, beredskapsareal, rovviltavvisande gjerde, bruk av voktarhund, planlagt utvida tilsyn i kombinasjon med anna tiltak, eller kortvarig ekstraordinært tilsyn ved akutte rovdyrskadar.
• tiltak med direkte tapsreduserande effekt tamrein (§6)
• andre tiltak som er direkte tapsreduserande (§ 7)
  • Søknadsskjema: FKT - Tilskudd til tiltak innen felling, jakt og fangst av rovvilt for kommune, organisasjoner m.fl - Søknadssenter - Miljødirektoratet
  • Berre kommunar kan søkje
  • Tiltak som: Tiltak som bidreg til meir effektiv jakt, felling og fangst, tilskot til skadefellingslag ved vedtak om skadefelling, tilskot til kommunar for tilrettelegging, organisering og førebuingar til framtidige skadefellingsoppdrag i regi av kommunale/interkommunale fellingslag, samt andre direkte tapsreduserande tiltak.
• tiltak for å auke kunnskapsgrunnlaget (§ 8)
  • Søknadsskjema: FKT - Tilskudd til tiltak for å øke kunnskapsgrunnlaget for kommuner, organisasjoner m.fl. - Søknadssenter - Miljødirektoratet
  • Tiltak som: utprøving av nye førebyggjande tiltak og evaluering av effekt og igangsette tiltak, elektronisk overvaking, forsking- og utredingsoppgåver, og nasjonale tiltak som aukar kunnskapsgrunnlaget.
• konfliktdempande tiltak (§ 9)
  • Søknadsskjema: FKT - Tilskudd til konfliktdempende tiltak for kommuner, organisasjoner m.fl. - Søknadssenter - Miljødirektoratet
  • Tiltak skal bidra til kunnskap om og forståing for rovvilt, rovviltforvaltning og konflikthandtering. Tiltak retta mot barn og unge vert prioritert.

I konkrete skadesituasjonar kan det vere behov for midlar til akutte tapsreduserande tiltak. Slike tiltak skal på førehand avklarast med statsforvaltaren. Søknadsskjema til akutte tiltak heiter: FKT - Tilskudd til akutte forebyggende tiltak mot rovviltskader for eiere av produksjonsdyr - Søknadssenter - Miljødirektoratet

Kor skal søknaden sendast og krav til innhald i søknaden

Søknad om tilskot skal sendast i Miljødirektoratet sitt elektroniske søknadssenter. Søknader som omfattar den einskilde region adresserast til Statsforvaltaren i det fylke der søkjaren har bustad. Søknader av nasjonal karakter skal adresserast til Miljødirektoratet.

Rett utfylling i søknadssenteret oppfyller krava til innhald i søknaden.

Søknadsfrist og sakshandsaming

Søknadsfristen er 15. februar 2025 i Møre og Romsdal.

Statsforvaltaren handsamar søknaden innafor ei budsjettramme og føringar fastsett av den regionale rovviltnemnda.