Tilskot til tiltak for ville pollinerande insekt

Tiltak som kan få tilskot er:

• Restaurering av leveområd
• Skjøtsel
• Etablering av leveområde, til dømes areal for yngling, oppvekst, matsøk og skjul
• Etablering av spreiingskorridorar mellom artsrike områder og/eller andre viktige leveområde
• Nedkjemping av framande artar
• Informasjonstiltak

Tiltak som medverkar til etablering eller skjøtsel av areal med førekomst av mange raudlista arter, og tiltak for pollinatorar i trua naturtypar, vil bli prioritert.

Tiltak kan samfinansierast med miljøtilskot i landbruket og andre typar tilskot.

Kven kan søkje:

Grunneigarar, privatpersonar, lag og foreiningar på lokalt og regionalt nivå, landsdekkande organisasjonar, kommunar og institusjonar.

Skatt

Vi gjer oppmerksam på at tilskot som vederlag for eigen arbeidsinnsats er å anse som skattepliktig inntekt, jf. skattelova § 5-10. Dersom du søkjer som privatperson vil den delen av tilskotet som gjeld eigen arbeidsinnsats bli utbetalt som skattepliktig lønn. Dersom du søkjer som næringsdrivande må denne delen av tilskotet førast inn i næringsoppgåva. Tilskot til dekning av dokumenterte utgifter i tilknyting til arbeidet er skattefritt, jf. skattelova § 5-11.

Kor skal søknaden sendast og krav til innhald i søknaden

Søknad om tilskot sendast i Miljødirektoratet sitt elektroniske søknadssenter. Søknaden skal adresserast til Statsforvaltaren i fylket der tiltaket skal gjennomførast. Rett utfylling i søknadssenteret oppfyller krava til innhald i søknaden.

Søknadsfrist:

15. januar 2024