Ny runde Klimasats 2025

Gjennom tilskotsordninga Klimasats (miljodirektoratet.no) kan kommunane kan søke om delfinansiering av tiltak som vil redusere utslepp av klimagassar eller bidreg til omstilling til lågutsleppssamfunnet. Tiltaka må vere politisk forankra og støtta skal vere utløysande for at tiltaket kan gjennomførast.

Ny runde

Fyrste søknadsrunde i 2025 vart gjennomført med frist 15. januar. Det kom berre to søknadar frå Møre og Romsdal. Desse kom ikkje gjennom nålauge for å få stønad i fyrste omgang. Då var det berre 8,1 millionar kroner i potten. Når potten no aukast til 100 millionar, håper vi at mange fleire kommunar i Møre og Romsdal sender inn søknad. I 2024 vart 16 av 30 søknadar frå Møre og Romsdal innvilga. (Sjå dokumentet "Klimasats Møre og Romsdal 2021 - 2024" til høgre på denne sida). Vi håper på enda fleire søknadar i 2025.

Auk sjansane

Miljødirektoratet arrangerer webinar om Klimasats 2025 (miljodirektoratet.no) tysdag 25. februar kl 10 - 11. Her vil ein få vite alt om søkemoglegheitene i denne andre runden, og det er satt av tid til spørsmål og svar. Gjennom dette webinaret kan ein enkelt få kunnskap om ordninga og årets prioriteringar. Dette vil kunne auke sjansane for gode søknadar som vil få stønad.

Vi håper alle kommunane i Møre og Romsdal melder seg på! Det er gratis å delta, men du må registrere deg i forkant.

Oversikt over søknadar

Oversikt over alle tidlegare prosjekt som har fått stønad gjennom Klimasats finn du her: Klimasats-prosjekter - miljodirektoratet.no.