God løysing for landbruket på Haramsfjellet
I gjennomføringa av Haram vindkraftverk har 15 dekar dyrka mark blitt nedbygd. Dette er berre halvparten av kva som var planlagt.
Dette innholdet er mer enn ett år gammelt. Informasjonen kan derfor være utdatert.
Grunneigarlaget og matprodusentane på Haramsfjellet har saman med entreprenørfirmaet Stangeland Maskin funnet betre løysingar for tilkomstvegar til vindmøllene enn det som var skissert. På den måten har dei både redusert nedbygging av dyrka mark frå 30 dekar til ca. 15 dekar, og hindra unødige oppdelingar av landbruksareal.
Tilbakeføring av dyrka mark og god driftsveg
Statsforvaltaren i Møre og Romsdal vart invitert med som observatørar då NVE gjennomførte tilsyn med Haram Vindkraftverk 29. september 2021.
– Vi kunne sjå at dyrka mark vart ført tilbake, og at matprodusentane har fått ein særs god driftsveg til teigane sine, fortel seniorrådgivar Tormod Meisingset.
Han fortel at inntrykket og tilbakemelding frå grunneigarrepresentanten var at landbruksinteressene har vorte teke omsyn til så godt det let seg gjere, og at næringa var nøgd med sjølve gjennomføringa av prosjektet.
