Forventningsbrev 2024
![Forventningsbrevet løftar fram dei nasjonale forventningane til kommunane. FN sine berekraftsmål og innspel til kommunane si planlegging er gjennomgåande i brevet. Foto: Statsforvaltaren i Møre og Romsdal / Erik Birkeland/Tingh. Tre eksemplarer av Forventningsbrevet og portrett av Else-May Norderhus](/contentassets/47b8bcc6a2d74c4cb722f572305d608a/bilde-til-nettsida.jpg)
Forventningsbrevet 2024 går til kommunane i Møre og Romsdal. I brevet informerer Statsforvaltaren om sentrale forventningar og oppdrag frå nasjonale myndigheiter.
Forventningsbrevet er skrive til politisk og administrativ leiing i kommunane, og til politiske utval og andre aktuelle medarbeidarar.
Nasjonale forventningar – berekraft og innspel til planlegging
Brevet gir ei oversikt over oppgåver og satsingar i nasjonal politikk, og løfter opp forventningane til kommunane. FN sine berekraftsmål og innspel til kommunane si planlegging er gjennomgåande i brevet.
Målet er at brevet skal samordne, skape samarbeid og dialog - gjerne også over kommunegrenser.
Presentasjon
I år har vi laga ein powerpoint-presentasjon som kommunane kan nytte i ulike møte der forventningane er tema.
Kommunane må gjerne fylle inn med eigne slides der de seier noko om korleis dykkar kommune vil møte forventningane.