Eli Brit Grøtta Giske får Kongens Fortenestmedalje i sølv

Eli Brit Grøtta Giske tok initiativ til Giske barnekor i 1994. Ho har leia og drive koret i meir enn 30 år. Hennar eineståande og langvarige innsats har gjort koret til ein viktig møteplass der barn og unge har fått moglegheit til å utvikle seg musikalsk. Dei har også lært gode verdiar.

 

Parallelt med familie, heiltidsjobb og faste aktivitetar, har Grøtta Giske vist dedikasjon og engasjement for lokalsamfunnet. Hennar bidrag har hatt ein varig og positiv innverknad på liva til mange menneske og har gjort Eli Brit Grøtta Giske til eit førebilete for mange i Giske kommune.

 

Vi gratulerer så mykje!