Klage på eksamen

Klage på skriftleg eksamen

Klaga skal leverast skriftleg til skolen eller i privatistportalen innan ti dagar etter at karakteren er gjort tilgjengeleg. Skolen registrerer klaga i PAS-eksamen. Oversikt over kven som er klageinstans for dei ulike faga, finn skolar og skoleeigarar i PAS-eksamen under fana Klageansvar.

For meir informasjon om klagebehandling for dei sentralt gitte eksamenane i grunnskolen og i vidaregåande opplæring, sjå Utdanningsdirektoratet si nettside:

Klagebehandling grunnskolen

Klagebehandling videregående 

Klage på munnleg, munnleg-praktisk og praktisk eksamen 

Du kan berre klage på formelle feil ved gjennomføringa. Feila må da vere slik at dei kan ha hatt betydning for karakteren du fekk.

Reglar for lokalt gitt eksamen kan du lese meir om på Utdanningsdirektoratet si nettside.

Sjå også opplæringsforskrifta med merknader:  § 10-8 Klage på gjennomføringa av munnleg eksamen og eksamen som ikkje berre er skriftleg eller munnleg | udir.no

Elevar

Klaga skal leverast skriftleg til skolen innan ti kalenderdagar etter at karakteren vart gjort kjent. Sensor, eksaminator og rektor uttaler seg, og rektor sender uttalane saman med klaga til Statsforvaltaren i Møre og Romsdal.

Om Statsforvaltaren kjem til at formelle feil kan ha virka inn på karakteren, skal karakteren annullerast. Ein elev som får karakteren annullert, kan velgje å gå opp til ny eksamen, jf. opplæringsforskrifta § 9-40. Om eleven vel å gå opp i eit nytt trekkfag, skal faget trekkast på nytt.

Privatistar

Privatistar må kontakte Møre og Romsdal fylkeskommune om saksgang. Meir informasjon finn du her: Privatisteksamen

Dersom du får medhald i klaga på munnleg og munnleg-praktisk eksamen, skal karakteren annullerast, og du vil ha rett til å gå opp til ny eksamen det påfølgande semesteret.

Privatistar som ikkje har standpunktkarakter i faget, må gå opp til eksamen på nytt om  dei vil ha utstedt vitnemål.