Årets leverandør av økologiske produkter 2013
![](/siteassets/fm-more-og-romsdal/bilder-fmmr/05-mat-og-drikke/arets-okoleverandor.jpg)
Norganic AS er kåra til Årets leverandør av økologiske produkt 2013. Landbruksdirektør Anne Berit Løset delte ut prisen på Matfestivalen i Ålesund torsdag kveld.
Dette innholdet er mer enn ett år gammelt. Informasjonen kan derfor være utdatert.
Det er Fylkesmannen i Møre og Romsdal, Den Norske Matfestivalen og Bioforsk økologisk og som står bak prisen, som i år delast ut for niande året på rad.
-Det er ei tydeleg satsing nasjonalt for å auke produksjon og forbruk av økologiske varer i Norge. Målet er at 15 prosent av matproduksjonen og forbruket skal vere økologisk i 2020. For å nå dette målet er vi heilt avhengige av profesjonelle sals og distribusjonsapparat i heile landet. seier landbruksdirektør Anne Berit Løset hos Fylkesmannen i Møre og Romsdal.
Løset peikar på at prisvinnaren leverer økologiske produkt av høg kvalitet til bakarar, butikkar, storhushaldning og industri.
-Mellom anna leverer dei til dei fleste økologiske bakarane i landet. Dei leverer også råvarer til økologisk kraftfòr – noko som i andre enden gir for eksempel økologisk egg og kjøt i butikkane. På kort tid er dei blitt ein svært viktig aktør for distribusjon av norskproduserte økologiske varer, seier Løset.
I tillegg til Løset har juryen bestått av Merethe Fjeld Nystad frå Debio, Anita Land frå Bioforsk Økologisk, Gunnar Kvamme frå St. Olavs hospital og Kari Tande Hansen frå Oikos.
I tillegg til mykje heider og ære består prisen av litografiet ”Aim” av Runi Langum
Prisen vart delt ut på ein festmiddag på Rica Parken Hotel i Ålesund torsdag kveld.